Stop Hunting Birds (Pakistan) - Oct'26
یہ پڑے ہیں ہمارے مہمان پرندے…
جو ہزاروں میل کا سفر طے کرکے ہر سال صرف چند ماہ کے لیے ہماری جھیلوں اور Wetlands کو اپنی موجودگی سے آباد کرنے آتے ہیں۔ یہ ہمارے موسموں کے مسافر، قدرت کے حسین تحفے اور ہمارے ماحولیاتی نظام کا اہم حصہ ہیں۔
مگر افسوس!
جن جھیلوں پر انہیں سکون، خوراک اور محفوظ پناہ ملنی چاہیے، وہی جگہیں آج ان کے لیے موت کا میدان بن گئی ہیں۔ ہم نے شکار کو کھیل، تفریح اور شوق کا نام دے کر ان بے زبان مہمانوں کے خون سے اپنی زمین رنگ دی ہے۔
ایک پرندہ صرف ایک پرندہ نہیں ہوتا۔
وہ قدرتی توازن کی ایک کڑی ہے، ہماری Wetlands کی زندگی کا حصہ ہے، اور آنے والی نسلوں کی قدرتی میراث ہے۔
آج ہم نے چند پرندے مار دیے،
کل شاید ہماری جھیلیں خاموش ہو جائیں۔
پھر نہ آسمان پر ان کے غول دکھائی دیں گے، نہ صبح کے وقت ان کی آوازیں سنائی دیں گی۔
شکار کی اصل بہادری کسی بے زبان مخلوق کو مارنے میں نہیں،
بلکہ اسے جینے دینے میں ہے۔
آئیے ان مہمان پرندوں کو مہمان ہی رہنے دیں۔
کیونکہ جس دن ہماری جھیلوں سے پرندے رخصت ہو گئے، اُس دن صرف پرندے نہیں جائیں گے—قدرت کا ایک پورا رنگ ہم سے چھن جائے گا۔
No comments:
Post a Comment