فلسطین اور ہم مسلمان - Nov. 04, 2023

Nov. 04, 2023   - فلسطین اور ہم مسلمانوں کیلئے کام 

(سید زید حامد صاحب )

 ان صیہونیوں اور دجالی طاقتوں کا فلسطین میں قوت پکڑنا اور پوری دنیا میں فساد مچانا بھی مشیت الہی کا حصہ ہے اور سیدی رسول اللہ نے اس کے بارے میں ہمیں پہلے اگاہ فرمایا ہے۔۔

سیدی رسول اللہ نے ہم کو اہل فلسطین کی جرات، کردار ، ایمان اور مزاحمت کے بارے میں بھی خوشخبریاں عطا فرمائی ہیں۔۔۔

تمام دنیا کی کفر طاقتوں کا اکٹھے ہو کر مسلمانوں پر حملہ ہونا بھی بتایا گیا ہے۔۔۔ ملحمۃ الکبری جو یقینی طور پر عالمی جنگ ہے اس کے بارے میں بھی خبر دی گئی ہے۔۔۔

اور پھر اس تمام فساد اور جنگوں کا انجام بھی بتا دیا ہے۔۔۔ فلسطین بھی آزاد ہوگا دجال بھی قتل ہوگا خلافت علی منہاج نبوہ بھی قائم ہوگی۔۔ امام مہدی بھی تشریف لائیں گے۔۔۔ اس سے پہلے غزوہ ہند بھی ہوگا۔۔۔

ہم مسلمانوں کا کام یہ ہے کہ جتنا وقت مہلت اور استطاعت اللہ نے ہمیں دی ہے ہم اس کے مطابق سیدی رسول اللہﷺوآلہ کے دین کے ساتھ وفاداری کریں۔ آپ کے سامنے جو چیلنج ہو اس کا مقابلہ کریں۔۔۔ بہت زیادہ آگے کی فکر نہ کریں اور ماضی پر ماتم نہ کریں۔۔۔

آپ اس راستے میں اگر مارے گئے تو ان شاءاللہ بہترین شہید ہوں گے۔۔ اگر اللہ نے اپ کو آگے آنے والی خوشخبریوں کے لیے زندہ رکھا تو آپ اپنی انکھوں سے دیکھیں گے۔۔۔ مگر ان خوشخبریوں تک پہنچنے کے لیے درمیان میں آگ اور خون کے دریا سے گزرنا ہے۔۔۔

یہ بھی وقت آئے گا کہ انسان قبرستان کے پاس سے گزرے گا اور قبروں کو مخاطب کر کے کہے گا کہ تم لوگ ہم سے بہتر ہو۔۔۔ آج غزہ کے مسلمانوں کی حالت دیکھ کر لگتا ہے کہ جیسے ہم اس وقت پر پہنچ چکے ہیں۔‌۔۔

اپنے آپ کو ذہنی طور پر تیار کریں جو غزہ کے مسلمانوں پر آزمائش آ رہی ہے وہ باقی امت پر بھی آئے گی۔۔۔

 اللہ نے آپ کے سامنے ایک مثال بنا کر رکھ دی ہے۔۔ صبر، شکر، توکل، شوقِ جہاد ،
شوقِ شہادت ،اللہ اور اس کے رسول ﷺوآلہ کی رضا۔۔۔۔ یہ معیار ہے جو اللہ قبول کرتا ہے۔۔

اللہ ہم سب کو سعادت کی زندگی عطا فرمائے اور شہادت کی موت دے۔۔۔ اور سیدی رسول اللہ کے لشکروں میں شامل فرمائے۔۔‌

اللهم صل وسلم وبارك على سيدنا محمد وعلى اله واصحابه وازواجه وذريته اجمعين.

(سید زید حامد صاحب )