Iftar in Madinah - ﻣﺪﯾﻨﮧ ﻣﯿﮟ ﺍﻓﻄﺎﺭ

ﻣﺪﯾﻨﮧ ﻣﯿﮟ ﺍﻓﻄﺎﺭ

ﺍٓﺝ ﺑﮭﯽ ﻣﺪﯾﻨﮧ ﮐﮯ ﺷﮩﺮﯼ ﮐﺴﯽ ﺍﺟﻨﺒﯽ ﮐﻮ ﺩﯾﮑﮭﺘﮯ ﮨﯿﮟ ﺗﻮ ﺍُﺳﮯ ﻣﺤﻤﺪ ﮐﮩﮧ ﮐﺮ ﭘﮑﺎﺭﺗﮯ ﮨﯿﮟ ﺍﻭﺭ ﺳﺎﺗﮭﯽ ﮐﻮ ﯾﺎ ﺻﺪﯾﻖ ﻟﮩٰﺬﺍ ﯾﮧ ﺩﻧﯿﺎ ﮐﺎ ﻭﺍﺣﺪ ﺷﮩﺮ ﮨﮯ ﺟﺲ ﻣﯿﮟ ﮨﺮ ﻣﮩﻤﺎﻥ، ﮨﺮ ﺍﺟﻨﺒﯽ ﮐﺎ ﻧﺎﻡ ﻣﺤﻤﺪ ﺍﻭﺭ ﮨﺮ ﺳﺎﺗﮭﯽ ﺻﺪﯾﻖ ﮨﮯ۔ ﺍﻧﺼﺎﺭ ﻧﮯ ﺣﻀﻮﺭﷺ ﮐﯽ ﺗﻮﺍﺿﺢ ﮐﯽ ﺍﻭﺭ ﺍﻥ ﮐﯽ ﻧﺴﻠﯿﮟ ﺣﻀﻮﺭﷺ ﮐﮯ ﻣﮩﻤﺎﻧﻮﮞ ﮐﯽ ﺧﺪﻣﺖ ﮐﺮ ﺭﮨﯽ ﮨﯿﮟ۔ ﺭﻣﻀﺎﻥ ﻣﯿﮟ ﭘﻮﺭﺍ ﻣﺪﯾﻨﮧ ﺍﺷﯿﺎﺀ ﺧﻮﺭﻭﻧﻮﺵ ﻟﮯ ﮐﺮ ﻣﺴﺠﺪ ﻧﺒﻮﯼﷺ ﺣﺎﺿﺮ ﮨﻮ ﺟﺎﺗﺎ ﮨﮯ ‘ ﺩﺳﺘﺮ ﺧﻮﺍﻥ ﺑﭽﮭﺎ ﺩﯾﮯ ﺟﺎﺗﮯ ﮨﯿﮟ، ﻣﯿﺰﺑﺎﻧﻮﮞ ﮐﮯ ﺑﭽﮯ ﻣﺴﺠﺪ ﻧﺒﻮﯼﷺ ﮐﮯ ﺩﺍﻻﻧﻮﮞ، ﺳﺘﻮﻧﻮﮞ ﺍﻭﺭ ﺩﺭﻭﺍﺯﻭﮞ ﻣﯿﮟ ﮐﮭﮍﮮ ﮨﻮ ﺟﺎﺗﮯ ﮨﯿﮟ، ﺣﻀﻮﺭﷺ ﮐﺎ ﺟﻮ ﺑﮭﯽ ﻣﮩﻤﺎﻥ ﻧﻈﺮ ﺍٓﺗﺎ ﮨﮯ ۔

ﻭﮦ ﺍﺱ ﮐﯽ ﭨﺎﻧﮕﻮﮞ ﺳﮯ ﻟﭙﭧ ﮐﺮ ﺍﻓﻄﺎﺭ ﮐﯽ ﺩﻋﻮﺕ ﺩﯾﺘﮯ ﮨﯿﮟ۔ ﻣﮩﻤﺎﻥ ﺩﻋﻮﺕ ﻗﺒﻮﻝ ﮐﺮ ﻟﮯ ﺗﻮ ﻣﯿﺰﺑﺎﻥ ﮐﮯ ﭼﮩﺮﮮ ﭘﺮ ﺭﻭﺷﻨﯽ ﭘﮭﯿﻞ ﺟﺎﺗﯽ ﮨﮯ، ﻧﺎﻣﻨﻈﻮﺭ ﮐﺮ ﺩﮮ ﺗﻮ ﻣﯿﺰﺑﺎﻥ ﮐﯽ ﭘﻠﮑﯿﮟ ﮔﯿﻠﯽ ﮨﻮ ﺟﺎﺗﯽ ﮨﯿﮟ، ﻣﯿﮟ ﻣﺴﺠﺪ ﻧﺒﻮﯼﷺ ﻣﯿﮟ ﺩﺍﺧﻞ ﮨﻮﺍ ﺗﻮ ﺍﯾﮏ ﺳﺎﺕ ﺍٓﭨﮫ ﺑﺮﺱ ﮐﺎ ﺑﭽﮧ ﻣﯿﺮﯼ ﭨﺎﻧﮓ ﺳﮯ ﻟﭙﭧ ﮔﯿﺎ ﺍﻭﺭ ﺑﮍﯼ ﻣﺤﺒﺖ ﺳﮯ ﮐﮩﻨﮯ ﻟﮕﺎ ’’ ﭼﭽﺎ، ﭼﭽﺎ ﺍٓﭖ ﻣﯿﺮﮮ ﺳﺎﺗﮫ ﺑﯿﭩﮭﯿﮟ ﮔﮯ ‘‘ ﻣﯿﺮﮮ ﻣﻨﺠﻤﺪ ﻭﺟﻮﺩ ﻣﯿﮟ ﺍﯾﮏ ﻧﯿﻠﮕﻮﮞ ﺷﻌﻠﮧ ﻟﺮﺯ ﺍﭨﮭﺎ، ﻣﯿﮟ ﻧﮯ ﺟﮭﮏ ﮐﺮ ﺍﺱ ﮐﮯ ﻣﺎﺗﮭﮯ ﭘﺮ ﺑﻮﺳﺎ ﺩﯾﺎ ﺍﻭﺭ ﺳﻮﭼﺎ ’’ ﯾﮧ ﻟﻮﮒ ﻭﺍﻗﻌﯽ ﻣﺴﺘﺤﻖ ﺗﮭﮯ ﮐﮧ ﺭﺳﻮﻝ ﺍﻟﻠﮧﷺ ﺍﭘﻨﮯ ﺍﻟﻠﮧ ﮐﮯ ﮔﮭﺮ ﺳﮯ ﺍﭨﮫ ﮐﺮ ﺍﻥ ﮐﮯ ﮔﮭﺮ ﺍٓ ﭨﮭﺮﺗﮯ ﺍﻭﺭ ﭘﮭﺮ ﻭﺍﭘﺲ ﻧﮧ ﺟﺎﺗﮯ۔ ‘‘

ﻭﮨﺎﮞ ﺭﻭﺿﮧ ﺍﻃﮩﺮ ﮐﮯ ﻗﺮﯾﺐ ﺍﯾﮏ ﺩﺭﻭﺍﺯﮦ ﮨﮯ۔
ﺑﺎﺏ ﺟﺒﺮﺍﺋﯿﻞ، ﺍٓﭖﷺ ﺍﻡ ﺍﻟﻤﻮﻣﻨﯿﻦ ﺣﻀﺮﺕ ﻋﺎﺋﺸﮧؓ ﮐﮯ ﺣﺠﺮﮦ ﻣﺒﺎﺭﮎ ﻣﯿﮟ ﻗﯿﺎﻡ ﻓﺮﻣﺎﺗﮯ ﺗﮭﮯ، ﺍﻓﻄﺎﺭ ﮐﺎ ﻭﻗﺖ ﮨﻮﺗﺎ، ﺩﺳﺘﺮ ﺧﻮﺍﻥ ﺑﭽﮭﺘﺎ، ﮔﮭﺮ ﻣﯿﮟ ﻣﻮﺟﻮﺩ ﭼﻨﺪ ﮐﮭﺠﻮﺭﯾﮟ ﺍﻭﺭ ﺩﻭﺩﮪ ﮐﺎ ﺍﯾﮏ ﺍٓﺩﮪ ﭘﯿﺎﻟﮧ ﺍﺱ ﺩﺳﺘﺮ ﺧﻮﺍﻥ ﭘﺮﭼﻦ ﺩﯾﺎ ﺟﺎﺗﺎ، ﺣﻀﺮﺕ ﺑﻼﻝؓ ﺍﺫﺍﻥ ﮐﮯ ﻟﯿﮯ ﮐﮭﮍﮮ ﮨﻮﺗﮯ ﺗﻮ ﺍٓﭖ ﻓﺮﻣﺎﺗﮯ ’’ ﻋﺎﺋﺸﮧؓ ﺑﺎﮨﺮ ﺩﯾﮑﮭﻮ ﺑﺎﺏ ﺟﺒﺮﺍﺋﯿﻞ ﮐﮯ ﭘﺎﺱ ﮐﻮﺋﯽ ﻣﺴﺎﻓﺮ ﺗﻮ ﻧﮩﯿﮟ ‘‘ ﺍٓﭖؓ ﺍﭨﮫ ﮐﺮ ﺩﯾﮑﮭﺘﯿﮟ، ﻭﺍﭘﺲ ﺍٓ ﮐﺮﻋﺮﺽ ﮐﺮﺗﯿﮟ ’’ ﯾﺎ ﺭﺳﻮﻝ ﺍﻟﻠﮧﷺ ﻭﮨﺎﮞ ﺍﯾﮏ ﻣﺴﺎﻓﺮ ﺑﯿﭩﮭﺎ ﮨﮯ۔ ‘‘ ﺍٓﭖﷺ ﮐﮭﺠﻮﺭﯾﮟ ﺍﻭﺭ ﺩﻭﺩﮪ ﮐﺎ ﻭﮦ ﭘﯿﺎﻟﮧ ﺑﺎﮨﺮ ﺑﮭﺠﻮﺍ ﺩﯾﺘﮯ، ﻣﯿﮟ ﺟﻮﻧﮩﯽ ﺑﺎﺏ ﺟﺒﺮﺍﺋﯿﻞ ﮐﮯ ﻗﺮﯾﺐ ﭘﮩﻨﭽﺎ، ﻣﯿﺮﮮ ﭘﯿﺮﻭﮞ ﮐﮯ ﻧﺎﺧﻨﻮﮞ ﺳﮯ ﺭﺍﻧﻮﮞ ﮐﯽ ﮨﮉﯾﻮﮞ ﺗﮏ ﮨﺮ ﭼﯿﺰ ﭘﺘﮭﺮ ﮨﻮ ﮔﺌﯽ، ﻣﯿﮟ ﻭﮨﯽ ﺑﯿﭩﮫ ﮔﯿﺎ، ﺑﺎﺏ ﺟﺒﺮﺍﺋﯿﻞ ﮐﮯ ﺍﻧﺪﺭ ﺫﺭﺍ ﺳﺎ ﮨﭧ ﮐﺮ ﺣﻀﺮﺕ ﻋﺎﺋﺸﮧؓ ﮐﮯ ﺣﺠﺮﮮ ﻣﯿﮟ ﻣﯿﺮﮮ ﺣﻀﻮﺭﷺ ﺍٓﺭﺍﻡ ﻓﺮﻣﺎ ﺭﮨﮯ ﮨﯿﮟ۔ ﻣﯿﮟ ﻧﮯ ﺩﻝ ﭘﺮ ﮨﺎﺗﮫ ﺭﮐﮫ ﮐﺮ ﺳﻮﭼﺎ، ﺍٓﺝ ﺑﮭﯽ ﺭﻣﻀﺎﻥ ﮨﮯ۔

ﺍﺑﮭﯽ ﭼﻨﺪ ﻟﻤﺤﻮﮞ ﺑﻌﺪ ﺍﺫﺍﻥ ﮨﻮ ﮔﯽ، ﮨﻮ ﺳﮑﺘﺎ ﮨﮯ ﺍٓﺝ ﺑﮭﯽ ﻣﯿﺮﮮ ﺣﻀﻮﺭﷺ ﺣﻀﺮﺕ ﻋﺎﺋﺸﮧؓ ﺳﮯ ﭘﻮﭼﮭﯿﮟ ’’ ﺫﺭﺍ ﺩﯾﮑﮭﺌﮯ ﺑﺎﮨﺮ ﮐﻮﺋﯽ ﻣﺴﺎﻓﺮﺗﻮ ﻧﮩﯿﮟ ‘‘ ﺍﻭﺭ ﺍﻡ ﺍﻟﻤﻮﻣﻨﯿﻦ ﻋﺮﺽ ﮐﺮﯾﮟ ﮔﯽ ’’ ﯾﺎ ﺭﺳﻮﻝ ﺍﻟﻠﮧﷺ ﺑﺎﮨﺮ ﺍﯾﮏ ﻣﺴﺎﻓﺮ ﺑﯿﭩﮭﺎ ﮨﮯ، ﺷﮑﻞ ﺳﮯ ﻣﺴﮑﯿﻦ ﻧﻈﺮ ﺍٓﺗﺎ ﮨﮯ، ﻧﺎﺩﻡ ﮨﮯ، ﺷﺮﻣﺴﺎﺭ ﮨﮯ، ﺗﮭﮑﺎ ﮨﺎﺭﺍ ﮨﮯ، ﺳﻮﺍﻝ ﮐﺮﻧﮯ ﮐﺎ ﺣﻮﺻﻠﮧ ﻧﮩﯿﮟ، ﺑﮭﮑﺎﺭﯼ ﮨﮯ ﻟﯿﮑﻦ ﻣﺎﻧﮕﻨﮯ ﮐﯽ ﺟﺮﺍٔﺕ ﻧﮩﯿﮟ، ﻟﻮﮒ ﯾﮩﺎﮞ ﮐﺸﮑﻮﻝ ﻟﮯ ﮐﺮ ﺍٓﺗﮯ ﮨﯿﮟ ‘ ﯾﮧ ﺧﻮﺩ ﮐﺸﮑﻮﻝ ﺑﻦ ﮐﺮ ﺍٓ ﮔﯿﺎ، ﺍﺱ ﭘﺮ ﺭﺣﻢ ﻓﺮﻣﺎﺋﯿﮟ ﯾﺎ ﺭﺳﻮﻝ ﺍﻟﻠﮧﷺ، ﺑﯿﭽﺎﺭﮦ ﺳﻮﺍﻟﯽ ﮨﮯ، ﺑﮯ ﭼﺎﺭﮦ ﺑﮭﮑﺎﺭﯼ ﮨﮯ ‘‘ ﺍﻭﺭ ﭘﮭﺮ ﻣﯿﺮﺍ ﭘﻮﺭﺍ ﻭﺟﻮﺩ ﺍٓﻧﮑﮭﯿﮟ ﺑﻦ ﮔﯿﺎ ﺍﻭﺭ ﺳﺎﺭﮮ ﺍﻋﻀﺎﺀ ﺍٓﻧﺴﻮ ....